Kópavogsfundurinn og fullveldið

02. maí 2018

Sýning um Kópavogsfundinn 28. júlí 1662 í tilefni af hundrað ára afmælisári fullveldis Íslands 2018 var opnuð á Safnanótt 2. febrúar 2018 í Héraðsskjalasafni Kópavogs og mun standa út fullveldisafmælisárið.

Með erfðahyllingunni í Kópavogi komst á einveldi konungs. Fullveldi Íslands fékkst rúmum 250 árum síðar 1. desember 1918. Hyllingareiðurinn, afrit einveldisskrárinnar og bænaskrár Íslendinga frá Kópavogsfundinum er til sýnis, prentaðar útgáfur og umfjöllun um það.
Fjallað er um skipin sem Hinrik Bjelke og menn hans komu á til Íslands, handrita- og bókasöfnun Þormóðs Torfasonar, fallbyssuskot, fyrstu flugeldasýningu á Íslandi sem vitað er um og fleiri atriði sem snerta Kópavogsfundinn.
Sýningin er opin á afgreiðslutímum Héraðsskjalasafns, mánudaga-föstudaga frá 10 - 16.